.

.
KARIBUNI TUHABARIKE, TUELIMISHANE, TUPEANE HABARI ZA KUKUFANYA UTABASAMU KIDOGO NA MATUKIO YALIYOFANYIWA UCHUNGUZI WA KINA TOKA KILA PEMBE CONTACTS: +255 787 377 722 Email: drweyunga@gmail.com | TANGAZA NASI ILI UWAFIKIE WATU WENGI ZAIDI.

Alhamisi, 26 Februari 2015

MAKAMU WA PILI WA RAIS, BALOZI SEIF ALITEMBELEA SHAMBA LA MAKURUNGE BAGAMOYO MKOA WA PWANI

Picha na – OMPR – ZNZ.

Makamu wa Pili wa Rais wa Zanzibar Balozi Seif Ali Iddi alisema kwamba msimamo wa Serikali ya Mapinduzi ya Zanzibar kupitia Baraza lake la Mapinduzi wa kulitumia shamba lake la Kilimo liliopo Makurunge Bagamoyo Mkoa wa Pwani ni ule ule wa kuendeleza Mifugo na Kilimo.

Alisema uamuzi huo umezingatiwa kwa makusudi kuheshimu wazo la pamoja lililoibuliwa kati ya Rais wa Kwanza wa Jamuhuri ya Muungano wa Tanzania Marehemu Mwalimu Julius K. Nyerere na Rais wa Awamu ya Pili ya Zanzibar Mh. Aboud Jumbe Mwinyi la kuipatiwa Zanzibar eneo la Mifugo na Kilimo Tanzania Bara ili kuimarisha Sekta hizo.

Balozi Seif Ali Iddi alisema hayo wakati alipofanya ziara maalum ya kulikagua shamba la Mkurunge akiambatana na Waziri wa Kilimo, Ushirika na Chula wa Bara Mh. Steven Wasira, Naibu Waziri wa Ardhi Bara Mh. Angeja Kairuki, Waziri wa Ardhi Zanzibar Mh. Ramadhan Abdulla Shaaban, Waziri wa Kilimo Zanzibar Dr. Sira Ubwa Mwamboya, Makatibu Wakuu wa Wizara hizo pamoja na watendaji waandamizi wa Serikali zote mbili.

TAIFA STARS KUSHIRIKI COSAFA CUP

Timu ya Taifa ya Tanzania (Taifa Stars) imethibitisha kushiriki michuano ya kombe la COSAFA nchini Afrika Kusini kufuatia mwaliko wa Baraza la vyama vya soka Kusini mwa Afrika (COSAFA).

Michuano ya kombe la COSAFA inatrajiwa kuanza kutimua vumbi katikati ya mwezi Mei mwaka huu nchini Afrika Kusini, na ratiba ya hatua ya awali ya makundi inatarajiwa kutangazwa leo jioni saa 1:00 kamili jioni kwa saa za Afrika Mashariki moja kwa moja na kituo cha Luninga cha Supersport 4.

Taifa Stars itakuwa juu (seeded) katika hatua ya makundi, ambapo nchi nane zitagawanya katika makundi mawili na washindi wa kila kundi wataingia hatua ya robo fainali, nchi nyingine zitakazoanzia kwenye makundi ni Lesotho, Madagascar, Marutius, Namibia, Seychelles, Swaziland.

Katika kila kundi, timu zote zitacheza michezo mitatu na mshindi wa kila kundi ataingia katika hatua inayofuata ya robo fainali itakayozijumuisha nchi za Afrika Kusini, Botswana, Ghana, Malawi, Msumbuji na Zambia ambazo zimeingia katika hatua ya pili kutokana na nafasi zao kwenye msimamo wa viwango vya FIFA.

Kombe la COSAFA lilianza mwaka 1997 linajumuishaa nchi 16 wanchama kutoka Kusini mwa Bara la Afrika, limekua likifanyika kwa kushirikisha nchi wanachama waliopo Kusini mwa bara la Afrika.

Nchi wanachama wa COSAFA ni Afrika Kusini, Angola, Botswana, Comoros, Lesotho, Madagascar, Malawi, Maurtius, Mayotte, Msumbuji,Namibia, Reunion, Sychelles, Swaziland, Zambia na Zimbabwe. 

TAMTHILIA YA “ A BOYS MISSION ” YAHITAJI MILIONI 800 ILI IKAMILIKE

Mwenyekiti Mtendaji wa kampuni ya Forward Formidable Enterprises (FFE) inayoandaa tamthilia mpya na ya kisasa ya “A boys mission” Johnson Lujwangana akifafanua jambo kuhusiana na tamthilia hiyo itakayoanza kurushwa kwenye vituo vya televisheni kuanzia mwezi septemba. Wengine katika picha kutoka kulia ni Jesca haule na Aisha bakari.
Waigizaji wa tamthilia ya “A boys mission” inayoandaliwa na kampuni ya Forward Formidable Enterprises katika picha ya pamoja.

                                                                                  Na Mwandishi wetu
 

Kampuni mpya katika utengenezaji wa filamu nchini, Forward Formidable Enterprises (FFE) inayoandaa tamthilia mpya na ya kisasa ya “A boys mission” inahitaji kiasi cha Sh milioni 800 ili ikamilike.

Mwenyekiti Mtendaji wa kampuni ya FFE, Johnson Lujwangana alisema kuwa kwa sasa wameweza kutengeneza toleo la utangulizi "pilot episode' kwa ajili ya kuonyesha nini wanakifanya huku kila kitu kikiwa tayari kwa ajili ya kurekodiwa.

Johnson alisema kuwa tamthilia yao inazungumzia changamoto na suluhisho mbalimbali kwa maisha ya vijana nchini na fedha hizo zinahitajika kwa ajili ya kughalimia gharama mbalimbali za kuzalisha rasmi tamthilia hiyo.

Baadhi ya gharama hizo kwa mujibu wa Johnson ni kulipa mtayarishaji bora, kuwalipa wasanii fedha kutokana na ubora wa kazi zao, kulipia vifaa vya kisasa, kulipa sehemu bora ya kurekodi tamthilia, usafiri, chakula na gharama nyinginezo.

“Kama msanii wa muziki wa kizazi kipya, Diamond anatengeneza video ya dakika tatu kwa Sh Milioni 60, kwa nini tamthilia ambayo kila sehemu (episode) inatumia si chini ya dakika 45 hisifikia kiwango hicho cha fedha? Alihoji Johnson.

Alisema kuwa wao wanataka kuwafaidisha wasanii wao kwa kuwalipa vizuri na kuendelea kudumu katika fani na kuwataka wadhamini kujitokeza kwa wingi kusaidia mradi huo.

“Hakuna hata msanii mmoja maarufu katika tamthilia hii, lengo si kama kuwatupa wasanii hao, bali ni kupanua wigo na kuwapa nafasi wasanii wengine, nataka kizazi kipya zaidi katika tasnia ili kuendeleza kuzalisha mastaa,” alisema.

Alisema kuwa katika tamthilia imeonyesha na kutoa majibu ya nini vijana wanatakiwa kufanya hapa nchini na kuachana na fikra za kukimbilia nje ya nchi kwa kudhani kuwa ndiko kutakuwa suluhisho la matatizo yao.

Alifafanua kuwa mara baada ya kufika huko, hali inakuwa tofauti na kukutana na changamoto nyingi zaidi za maisha na kuwaza kurejea nchini.

“Tamthilia ni ya kisasa zaidi kwani lengo letu pia ni kuonyeshwa nje ya nchi na kuonyesha madhari ya kuvutia ya jiji letu la Dar es Salaam na kupromoti mji wetu tofauti na hali iliyozoeleka kwani tamthilia nyingi uonyesha maisha ya vijijini,” alisema Johnson.

Alifafanua kuwa kwa kuonyesha usafi wa mji, maeneo mbalimbali ya starehe ya hapa nchini, kutawavutia hata wasanii watayarishaji wa tamthilia nje ya nchi kuja kutayarishia kazi zao hapa nchini.

Alisema kuwa tamthilia hiyo ina jumla ya sehemu 12 ambapo katika kila sehemu, muigizaji mkuu ma maudhui ya tamthilia pia yanabadilika.

MWANAMUZIKI CHIDI BENZ AHUKUMIWA KIFUNGO CHA MIAKA MIWILI JELA

Mwanamuziki wa muziki wa kizazi kipya nchini Tanzania Rashidi Abdallah Makwaro Maarufu kama 'Chid Benz' leo amehukumiwa kifungo cha miaka mwili jela au kulipa faini ya shingili laki tisa.

Hukumu hiyo imetolewa leo katika Mahakama ya Hakimu Mkazi Kisutu baada ya kupatikana na hatia ya makosa matatu ikiwemo kukutwa na dawa za kulevya aina ya heroin yenye thamani ya sh. 38,638, bangi yenye tahamani ya sh. 1,720 na vifaa ya kuvutia dawa hizo kijiko na kigae.

Awali Februari 18 Chidi Benz alikiri mbele ya Hakimu Mkazi, Waliarwande Lema mashtaka matatu yanayomabili katika Mahakama ya Hakimu Mkazi Kisutu ya kukutwa na dawa za kulevya, kifuu cha nazi na kijiko vinavyotumika kuvutia ama kunusa dawa hizo za kulevya.

Rapa huyo amefanikiwa kulipa faini hiyo ya shilingi laki 9, na kuachiwa huru baada ya mama yake mzazi kuilipa.

KAHAWA INAYOCHANGANYWA NA SIAGI PAMOJA NA MAFUTA YA NAZI YAWA DILI


Iwapo utapatiwa kikombe cha kahawa iliyochanganywa na kijiko kimoja cha chai chenye siagi na mafuta ya nazi, huenda mtu ukapatwa na mshtuko wa moyo kutokana na mchanganyiko huo.

Lakini baada ya watafiti kubaini kuwa mafuta ni mazuri kwa binadamu kuliko sukari, na mchanganyiko huo unasaidia kupunguza mafuta mwilini, sasa kahawa hiyo imejipatia umaarufu nchini Marekani na Uingereza.

Wapenzi wa mchanganyiko huo wa kahawa na siagi, wamedai kuwa huwafanya wajihisi wamepata kifungua kinywa kilichokamilika na hupata nguvu, uongeza umakini, hupunguza kalori mwilini na kuondoa mafuta ya ziada mwilini na kujisikia shibe hadi mchana.
                     Kisu chenye siagi ambayo huchanganywa katika kikombe cha kahawa

FBI YAKAMATA RAIA WATATU WA KIGENI WALIOKUWA WANATAKA KUJIUNGA NA IS

Shirika la Ujasusi la Marekani (FBI) limewakamata raia watatu wa kigeni ambao wakala wao wamesema walikuwa wakijaribu kujiunga na kundi la Dola ya Kiislam (IS).

Wawili miongoni mwao ambao ni wanaume walitishia kuwauwa maafisa polisi na mawakala wa FBI nchini Marekani iwapo watazuiwa kwenda nchini Syria.

Wanaume hao walibainika na mamlaka ya Marekani, baada ya kuposti vitisho hivyo kwenye tovuti ya lugha ya Uzbek, katika miezi ya hivi karibuni. Katika moja ya posti zao walitishia kumuua Rais Barack Obama.

MTUMISHI WA KITUO CHA YATIMA WA EBOLA AFARIKI DUNIA KWA UGONJWA WA EBOLA


Mwanaume mmoja raia wa Sierra Leone ambaye alikuwa anafanyakazi katika kituo cha kulelea yatima wa Ebola amefariki kwa ugonjwa huo wa Ebola.

Mtumishi huyo wa kituo hicho Augustine Baker alilazwa katika kituo cha kutibu Ebola, baada ya kuugua wiki iliyopita.

Baker alikuwa akifanya kazi katika kituo hicho cha kulelea yatima wa Ebola kinachoendeshwa na asasi ya Uingereza, nje kidogo mwa mji mkuu wa nchi ya Sierra Leone, Freetown.

Kufuatia tukio hilo watoto 33 pamoja na watumishi saba wa kituo hicho cha St George Foundation wamewekwa chini ya karantini tangu marehemu Baker abainike kuwa na virusi vya Ebola.

TUME YA KUREKEBISHA SHERIA UGANDA YAITEMBELEA TUME YA TANZANIA

MVUTANO BAINA YA MAREKANI NA ISRAEIL WAZIDI KUSHAMIRI

Mvutano baina ya Marekani na Israel umeongezeka, baada ya Waziri Mkuu wa Israel Benjamin Netanyahukuituhuma Marekani na mataifa mengine kushindwa kuizuia Iran kumiliki silaha za nyuklia.

Kufuatia kauli hiyo Wizara ya Mambo ya Nje ya Marekani, imemuhoji Bw. Netanyahu kuhusina na matamshi hayo ya kuituhumu Marekani.

Wakati hayo yakiendelea viongozi wa chama cha Republican, wamemualika Bw. Netanyahu, kuhutubia baraza la Congress la Marekani wiki ijayo, jambo ambalo limekikasirisha chama cha Democrats.

MADONNA AANGUKA JUKWAANI AKITUMBUIZA KWENYE TUZO ZA BRIT 2015


Nyota wa muziki wa Pop Madonna ameanguka jukwaani wakati akitumbuiza shoo yake kwenye tuzo za Brit 2015.

Mwanamuziki huyo aliteleza kwenye ngazi na kuanguka kwa mgongo ikiwa ni mwanzo wa shoo wakati wakati dansa wake akijaribu kumvua joho alilovaa.

Hata hivyo mwanamuziki huyo alionyesha ukomavu katika gemu baada ya kuugulia maumivu na kuendelea na kumalizia wimbo wake wa Living For Love, aliokuwa akiuimba.

Baadae Madonna ametoa taarifa kuwa yupo salama, na joho lililopelekea kuanguka kwake limefungwa imara.                                                                     
                                                                           Anguko lake lilianza hivi 
                                                                       Hapa akizidi kwenda chini

LIGI YA MABINGWA ULAYA, ARSENAL YATANDIKWA 3-1 NA MONACO

Arsenal imekuwa na usiku mbaya, baada ya kukubali kichapo cha mabao 3-1 toka kwa wageni wao Monaco waliosafiri kutoka nchini Ufaransa, katika mchezo wa ligi ya mabingwa barani Ulaya uliochezwa usiku wa kuamkia leo.
 Wakicheza mbele ya mashabiki wao waliokuwa wamefurika katika uwanja wa Emirates, Arsenal walijikuta wakikubali nyavu zao kutikiswa mara tatu kupitia kwa mabao yaliyofungwa na Geoffrey Kondogbia dakika ya 38, bao la pili la Monaco likifungwa na Dimitar Berbatov dakika ya 53.

Bao la tatau likifungwa na Ferreira Carrasco (90+4). Bao pekee la kufutia machozi la Arsenal lilifungwa na Alex Oxlade Chamberlain dakika ya 91.
 Kocha mkuu wa Arseanl, Arsene Wenger ( katikati ) na benchi lake la ufundi wakiwa hawaamini kinachotokea mbele yao.

PUSH MOBILE, UN , WIZARA KUKABILI EBOLA


FullSizeRender
Mratibu Mkazi wa mashirika ya Umoja wa Mataifa na mwakilishi wa Shirika la Maendeleo la Umoja wa Mataifa (UNDP) nchini, Alvaro Rodriguez (katikati) na Ofisa Mtendaji Mkuu wa Push Mobile, Freddie Manento (kushoto) wakitiliana saini makubaliano ya ushirikiano wa kukabiliana na ugonjwa wa ebola kwa kutoa elimu kwa jamii kupitia ujumbe mfupi maneno katika hafla fupi iliyofanyika kwenye ofisi za Mratibu mkazi wa mashirika ya Umoja wa Mataifa jijini Dar. Anayeshuhudia tukio hilo ni Mwakilishi wa UNICEF Tanzania, Dkt. Jama Gulaid.(Picha na Umoja wa Mataifa).

                                                                               Na Mwandishi Wetu

KAMPUNI ya simu ya Push Mobile imetiliana saini na serikali ya Tanzania na Umoja wa Mataifa (UN) ya kuwafikia watu milioni 10 ikiwahabarisha kuhusu ugonjwa hatari wa ebola.

Kwa mujibu wa taarifa ya Umoja wa Mataifa iliyotolewa mjini hapa kampuni hiyo ya simu imesema kupitia ushirikiano huo kampuni hiyo ya simu itaunga mkono juhudi za serikali ya Tanzania na Umoja wa Mataifa wa kutoa elimu dhidi ya ugonjwa huo ujumbe mfupi utakaoelezea ugonjwa wa ebola.

Kama sehemu ya makubaliano, Push Mobile , UN, serikali na wadau wake watatoa taarifa kuhusu ugonjwa huo wanapohitajika.

Watanzania wanaweza kupata habari za ugonjwa huo kwa kuandika neno EBOLA kwenye namba 15774 na kupata taarifa za ugonjwa huo bure bila kutozwa gharama.
IMG_8005
Mratibu Mkazi wa mashirika ya Umoja wa Mataifa na mwakilishi wa Shirika la Maendeleo la Umoja wa Mataifa (UNDP) nchini, Alvaro Rodriguez na Ofisa Mtendaji Mkuu wa Push Mobile, Freddie Manento wakionyesha hati za makubaliano ya ushirikiano huo.

Wakitia saini Ofisa Mtendaji Mkuu wa Push Mobile, Freddie Manento amesema kwamba kama Ujumbe mfupi unaweza kuokoa maisha kampuni yake iko tayari kushiriki katika kampeni hiyo.

“..Teknolojia inatoa fursa ya pekee ya kuandaa jamii dhidi ya ugonjwa wa ebola na nini cha kufanya ukitokea. Kupitia ushirikiano huo kati yetu na Umoja wa Mataifa na Wizara ya afya na ustawi wa jamii tunaamini tutasaidia wananchi kuelekewa na kutambua dalili za ebola, kuzuia na kudhibiti maambukzi ya virusi vya ebola”, alisema Manento.

Katika miezi iliyopita vifo kutokana na ugonjwa wa ebola vimefikia 9000 huku vifo vingi vikitokea katika nchi za Liberia, Sierra Leone, na Guinea. Hadi sasa watu 23,000 wameelezwa kukumbwa na ugonjwa.

KIKOSI CHA AL HILAL CHAWASILI KUWAKABILI KMKM

Wachezaji wa timu ya Al Hilal ya Sudan wakiwa katika chumba cha mapokezi baada ya kuwasili leo kwa mchezo wao wa marudio na timu ya KMKM unaotarajiwa kufanyika uwanja wa Amaan mwishoni wa wiki hii. Katika mchezo wao wa awali uliofanyika Nchini Sudan timu ya Al Hilal imeshinda 2-0
Wachezajin wa Timu ya Al Hilal wakitoka katika jengo la Uwanja wa Ndege wa Kimataifa wa Abeid Amani Karume Zanzibar baada ya kuwasili Zanzibar kwa ajili ya Mchezo wao wa Ligi ya Mabingwa Afrika.

LIGI YA MABINGWA ULAYA, ATLETICO MADRID YAFUNGWA 1-0 NA BAYER LEVERKUSEN HUKU TIAGO AKIPEWA KADI NYEKUNDU

Timu ya soka ya Atletico Madrid usiku wa kuamkia leo imejikuta ikikubali kichapo cha bao 1-0 toka kwa wenyeji wao Bayer Leverkusen katika mchezo wa hatua ya 16 bora ya ligi ya mabingwa barani Ulaya, mchezo uliochezwa usiku wa kuamkia leo. 

Pamoja na kucheza kwa juhudi zote, kikosi hicho kinachonolewa na kocha Diego Simeone kilijikuta kinatoka uwanjani kikiwa kimekubali kufungwa, bao lililofungwa na Hakan Calhanoglus katika dakika ya 57 ya kipindi cha pili na kuipa matokeo mazuri Bayer Leverkusen.

BENKI YA POSTA TANZANIA ( TPB ) YAUNGANISHA MATAWI YAKE NA MKONGO WA TAIFA

Meneja Mkuu Uendeshaji wa TPB, Kolimba Tawa (kushoto) akipokea hati ya mradi wa mkongo wa mawasiliano nchini (Fiber Optic) toka kwa Ofisa Mkuu wa Ufundi wa Kampuni ya Simu Tanzania (TTCL), Senzige Kisenge (kulia). Mradi huo umeunganisha matawi ya benki ya TPB kimawasiliano ya kisasa. Meneja Mkuu Uendeshaji wa TPB, Kolimba Tawa (kushoto) akipokea hati ya mradi wa mkongo wa mawasiliano nchini (Fiber Optic) toka kwa Ofisa Mkuu wa Ufundi wa Kampuni ya Simu Tanzania (TTCL), Senzige Kisenge (kulia). Mradi huo umeunganisha matawi ya benki ya TPB kimawasiliano ya kisasa.Meneja Mkuu Uendeshaji wa TPB, Kolimba Tawa (wa pili kulia) akizungumza katika hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 maeneo mbalimmbali nchini. Meneja Mkuu Uendeshaji wa TPB, Kolimba Tawa (wa pili kulia) akizungumza katika hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 maeneo mbalimmbali nchini.Mtatuzi wa Masuala ya Kiufundi, Fredrick Bernard akifafanua jambo wakati wa hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 maeneo mbalimmbali nchini. Hafla hiyo ilifanyika jana Makao Makuu ya TPB Dar es Salaam. Mtatuzi wa Masuala ya Kiufundi, Fredrick Bernard akifafanua jambo wakati wa hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 maeneo mbalimmbali nchini. Hafla hiyo ilifanyika jana Makao Makuu ya TPB Dar es Salaam.Baadhi ya Maofisa wa TTCL wakiwa katika hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 ya benki hiyo maeneo mbalimmbali nchini. Baadhi ya Maofisa wa TTCL wakiwa katika hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 ya benki hiyo maeneo mbalimmbali nchini.Meneja Mkuu Uendeshaji wa TPB, Kolimba Tawa (kushoto) pamoja na Ofisa Mkuu wa Ufundi wa Kampuni ya Simu Tanzania (TTCL), Senzige Kisenge wakipongezana kwenye hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 ya benki hiyo maeneo mbalimmbali nchini. Meneja Mkuu Uendeshaji wa TPB, Kolimba Tawa (kushoto) pamoja na Ofisa Mkuu wa Ufundi wa Kampuni ya Simu Tanzania (TTCL), Senzige Kisenge wakipongezana kwenye hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 ya benki hiyo maeneo mbalimmbali nchini.Picha ya pamoja ya maofisa wa TPB na TTCL walioshiriki katika hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 ya benki hiyo maeneo mbalimmbali nchini. Picha ya pamoja ya maofisa wa TPB na TTCL walioshiriki katika hafla ya makabidhiano ya mradi mpya wa benki ya TPB uliounganisha mawasiliano ya kisasa takribani matawi 11 ya benki hiyo maeneo mbalimmbali nchini.

                                                                                    Na Mwandishi Wetu

BENKI ya Posta Tanzania (TPB) imedhamiria kuunganisha matawi yake yote katika mfumo wa kisasa wa mawasiliano kupitia mkongo wa mawasiliano nchini (Fiber Optic) ili kuberesha huduma na mawasiliano katika huduma zake.

Taarifa hiyo imetolewa jana jijini Dar es Salaam na Meneja Mkuu Uendeshaji wa TPB, Kolimba Tawa alipokuwa akizungumza katika makabidhiano ya mradi mpya wa benki hiyo uliounganisha mawasiliano ya kisasa takribani matawi 11 maeneo mbalimmbali nchini.

Tawa alisema mpaka sasa matawi ya Arusha, Mbeya, Mwanza, Dodoma, Samora, Metropolitan, YWCA, Mkwepu, Ubungo na Kijitonyama tayari yameunganishwa kwenye mfumo huo mpya na wa kisasa kimawasiliano.

"..Mpaka hivi sasa matawi yetu Kumi na Moja (11), yakiwemo Arusha, Mbeya, Mwanza, Dodoma, Samora, Metropolitan, YWCA, Mkwepu, Ubungo, Kijitonyama, tayari zimeunganishwa kwenye mfumo huo. Hii ni katika hatua ya mwanzo tu ya mradi huu, kwani benki ya Posta imekusudia kuyaunganisa mtawi yake yote kwenye mfumo huu," alisema Tawa.

Alisema baada ya kukamilisha matawi ya TPB katika mfumo wa Mkongo (Fiber Optic), imepata mafanikio makubwa ukilinganisha na kipindi cha nyuma ambapo matawi haya yalikuwa yameunganishwa na mtandao wa teknolojia ya Copper (Copper network).

Aidha akizitaja faida ambazo benki hiyo imezipata baada ya kujiunga na Mkongo wa Taifa wa Mawasiliano unaosimamiwa na kampuni ya Simu Tanzania (TTCL) ni pamoja kupungua kwa msongamano wa wateja kusubiria huduma kwenye matawi, kuongezeka kwa ufanisi na kupungua kwa dharura ya kusitisha huduma kwa muda.

"...Pia tumeboresha uwezekano wa kutambua tatizo lolote linalotokana na kukatika kwa mawasiliano kwani huu ni mfumo wa kidijitali...kupungua kwa gharama za uendeshaji katika benki yetu." alisema Tawa.

Kwa upande wao TTCL ikikabidhi mradi huo kwa TPB, Mtatuzi wa Masuala ya Kiufundi, Fredrick Bernard alisema mfumo huo wa mkongo unafaida kubwa kwani, mbali na kuwa salama zaidi pia unauwezo wa kugundua tatizo la mawasiliano kabla ya kutokea hivyo kufanyiwa kazi mapema.

Alisema hata hivyo alisema njia za kupitisha mawasiliano hufanya kazi kwa kutegemeana na zipo zaidi ya moja hali ambayo huwezesha hata njia moja kuisaidia nyingine inapopata tatizo huku tatizo lililojitokeza likishughulikiwa kwa wakati huo.

Faida hizo pamoja na nyingine nyingi zinaifanya benki ya Posta iamini kuwa huduma hii ya Mkongo itolewayo na TTCL ni bora nchini na itatusaidia sana sisi benki ya Posta kuboresha huduma zetu na kuongeza ufanisi katika shughuli zetu za kibenki.

Jumatano, 25 Februari 2015

MKE WA RAIS WA ZANZIBAR, MAMA MWANAMWEMA SHEIN AKABIDHI VIFAA DUNGA, MADRASA AFISI YA CCM NA SACCOS YA UTAWALA BORA

Mwanafunzi wa Madrasa Tauin Mwera akisoma Quran kabla ya kuaza kwa hafla hiyo, iliofanyika katika viwanja vya Afisi ya Mkoa wa Kusini Unguja.
Mke wa Rais wa Zanzibar na Mwenyekiti wa Baraza la Mapinduzi Mama Mwanamwema Shein, akisalimiana na Viongozi wa CCM Mkoa wa Kusini Unguja alipowasili katika viwanja vya Afisi ya CCM Mkua wa Kusini Unguja kukabidhi Vifaa hivyo.
Mke wa Zanzibar na Mwenyekiti wa Baraza la Mapinduzi Mama Mwanamwema Shein, akiwa na Viongozi wa CCM wakati alipowasili katika viwanja vya Afisi ya CCM Mkoa wa Kusini Unguja Dunga.
MKE wa Rais wa Zanzibar na Mwenyekiti wa Baraza la Mapinduzi Mama Mwanamwema Shein akimkabidhi Seti ya Vipaza sauti Katibu wa Madrasa ya Tauin Mwera Ndg Hamad Ali, makabidhiano hayo yamefanyika katika viwanja vya CCM dunga.
Mke wa Rais wa Zanzibar na Mwenyekiti wa Baraza la Mapinduzi Mama Mwanamwema Shein, akimkabidhi Katibu wa Saccos ya Utawala Bora Seti ya Komputer na Fotokopi, kwa ajili ya matumizi ya Saccos hiyo makabidhiano hayo yamefanyika Dunga Wilaya ya Kati Unguja

RAIS KIKWETE AWASILI ZAMBIA KWA ZIARA YA KIKAZI, APOKELEWA NA MWENYEJI WAKE RAIS LUNGU

EALA TO HOLD PUBLIC HEARINGS ON KEY ICT BILL

Regional legislators will from next week tour the EAC Partner States to collect stakeholders’ views and submissions on the envisaged East African Community Electronic Transactions Bill 2014.

The visit which involves the Assembly’s Committee on Communication, Trade and Investment (CTI), takes place from March 1-5, 2015. The Committee chaired by Hon Mukasa Mbidde, has split itself into two groups in order to be more effective and Members shall undertake simultaneous tour of the capitals. The first group shall visit Dar es Salaam, Nairobi and Kampala while the second group will navigate Bujumbura, Kigali and Kampala.

Key stakeholders to be visited include ministries responsible for ICT, finance as well as trade, commerce and tourism, key government functionaries including the offices of the Attorneys General and the Law Reform Commissions as well as the Law Societies and enforcement agencies.
 

The legislators are also expected to touch base with the representatives of the Private Sector including the East African Business Council and the respective Private Sector Federations in the Partner States.

Both groups then converge in Kampala, Uganda, on March 4, 2015, to consider the views and to synthesise the input into a report.

The EAC Electronic Transactions Bill, 2014 was introduced as a Private Member's Bill at the recent sitting in Arusha and its primary mover is Hon Dr. James Ndahiro. The Bill aims at making provision for the use, security, facilitation and regulation of electronic communications and transactions; to encourage the use or e-Government service and to provide for related matters.

The Bill is premised on Article 103 of the Treaty for the Establishment of the EAC in which Partner States recognizing the fundamental importance of science and technology in economic development, undertook to promote co-operation in the development of science and technology in the Community. This can be achieved through the promotion, development and application of Information technology in the EAC.

The Bill anticipates that Partner States need to create a proper environment for all possible users and beneficiaries of ICT to educate them on the operations involving electronic transactions and in doing so, make necessary amends to ensure security of users of ICT. It further states that the Community needs to make effective use of ICTs.

Analysts contend that the EAC needs to maximally exploit the great resource of ICTs by ensuring the business and institutions have modern access to the modern technologies. At the same time, it is envisaged that ICTs can play a key role in ensuring the strengthening of integration.

In May last year, the East African Payments System (EAPS) was officially launched in Nairobi by the Central Bank Governors from the EAC Partner States. EAPS which is an initiative of the Central Banks and the EAC Secretariat, integrates the Real Time Gross Settlement (RTGS) systems in the Partner States.

It utilises the internationally recognised SWIFT Messaging network for safe and secure delivery of payment and settlement messages and through this mode, real time transfer of funds by commercial banks across the Partner States can be realised at the touch of a button.

At EALA, public hearings are a key avenue and channel of gathering views and comments on the Private Members’ Bills before debate in the House. The views collected are synthesised and form part of the report of the relevant Committee on a Bill. Such report is also presented for debate and approval in the Assembly.

SIMU ZA OBI MOBILES ZAINGIA TANZANIA

S550-Crane-1                                                                   Simu ya Obi aina ya S550-Crane.

                                                                             Na Mwandishi Wetu

MWANZILISHI mwenza wa kampuni ya kimataifa ya teknolojia ya mawasiliano ya Obi Mobiles, yenye makao makuu yake Singapore, John Sculley amesema ujio wa kampuni hiyo nchini Tanzania, utaongeza wigo wa utumiaji wa tehama na hasa matumizi ya zana za kisasa za mawasiliano.

Obi Mobile inatumia teknolojia iliyobuniwa mjini Toronto, Canada na kampuni ya Inflexionpoint.

John Sculley, ambaye alishawahi kuwa ofisa mtendaji mkuu wa kampuni ya Apple amesema teknolojia hiyo mpya ambayo ilizinduliwa India na Mashariki ya Kati mwaka 2014 imelenga kuwanufaisha vijana ambao ndio watumiaji wa kubwa wa simu za kisasa.

Amesema kwa kuingiza bidhaa za Obi nchini Tanzania wanatarajia kuwawezesha vijana kuwa na simu ambazo zinawatumikia wao kwa maarifa na umaridadi zaidi.
S550-Hornbill-2S550-Hornbill.

“Simu hizi zimepokewa vyema zilikozinduliwa na tunararajia Tanzania nazo watazipokea kwa kasi hiyo hiyo” alisema Sculley .

Kwa mujibu wa ofisa huyo, simu za Mobile nchini Tanzania zinauzwa kati ya sh 50,000 na bei ya juu ni 350,000.

Alizitaja aina hizo za simu kuwa ni Hornbill S551; Falcon S451; Crane S550; Wolverine S501; Fox S453 ; Racoon S401 na Power GO F240 simu ambayo ina betri yenye uwezo wa 2,800mAH na yenye uwezo wa kuchaji simu nyingine.

Amesema watu wa Obi Mobiles wanaamini kwamba teknolojia ni kwa ajili ya watu wote na ndio maana mauzo ya teknolojia zao ni rahisi kwa ajili ya watu wote.

Alisema kwa kuwa na vifaa vya teknolojia ya Obi, vijana watakuwa na nafasi ya kutumia fursa zilizopo za kiuchumi na kijamii.

PATO LA MWANANCHI MBEYA LAVUKA LENGO LA KITAIFA

WAZIRI MKUU Mizengo Pinda ameupongeza uongozi wa mkoa wa Mbeya kwa kuvuka lengo la wastani wa pato la mwananchi kitaifa na kuwataka waendeleze kasi ya kupambana na umaskini kwa wakazi wa mkoa huo.

Ametoa pongezi hizo jana usiku (Jumanne, Februari 24, 2015) wakati akizungumza na viongozi wa mkoa huo na wilaya zote wakiwemo wadau mbalimbali na viongozi wa dini mara baada ya kupokea taarifa ya Mkoa wa Mbeya.

Alisema katika mipango yake, Serikali ililenga kwamba pato la mtu kwa mwaka liwe sh. 1,186, 200, lakini kwa sababu ya jitihada mbalimbali mkoa huo umelivuka. “Katika taarifa aliyonisomea, Kaimu Mkuu wa Mkoa amesema wastani wa pato la mwananchi umeongezeka kutoka sh. 711,201/- mwaka 2008 hadi kufikia sh 1,420,427/- mwaka 2013 na kwamba mkoa unachangia asilimia 7.43 ya Pato la Taifa,” alisema.

Alisema kipato cha mtu mmoja kwa siku ni sh. 3,891/- ambazo ni zaidi ya Dola mbili za Marekani (sh. 3,400/-). “Wakubwa hawa wanatupima kwa kuangalia kipato cha mtu kwa siku. Wanasema nchi ni maskini iwapo watu wake wanaishi chini ya dola moja kwa siku (sawa na sh. 1,700/-).”

“Mbeya imeendelea kushika nafasi ya tatu kwa kuchangia vizuri Pato la Taifa ikiwa imetanguliwa na Dar es Salaam na Iringa. Ninawapongeza kwa sababu mmevuka malengo ya Taifa katika eneo la pato la mtu mmoja mmoja,” alisema Waziri Mkuu.

Mapema, Kaimu Mkuu wa Mkoa wa Mbeya, Bw. Deodatus Kinawilo ambaye pia ni Mkuu wa Wilaya ya Chunya, alisema pato la mkoa limeongezeka kutoka sh. trilioni 1.779 mwaka 2008 na kufikia sh. trilioni 3.951 mwaka 2013.

“Uchumi wa mkoa huu unategemea kilimo, ufugaji, uchimbaji madini, uvunaji mazao ya maliasili, biashara, uzalishaji viwandani na ajira katika taasisi za serikali na sekta binafsi,” alisema.

Wakati huohuo, uongozi wa mkoa wa Mbeya umetakiwa kuongeza bidii ili uweze kuinua kiwango cha ufaulu wa elimu ya kwa sababu umekuwa ukiendelea kushuka na kuwa chini ya kiwango cha asilimia 60 kilichowekwa na Serikali.

Waziri Mkuu aliutaka uongozi huo ubuni mbinu za kisomi zitakazowawezesha wanafunzi wa shule za msingi kuelewa wanachofundishwa, hivyo, kufaulu mitihani yao vizuri. ”Ufaulu wenu kwa shule za msingi ni asilimia 46.6, uko chini ya kiwango cha kitaifa cha ufaulu kwa asilimia 13.4. Ni matokeo yasiyoridhisha, fanyeni utaratibu maalum ili yapande,” alisema.