.

.

.

.

.

.
KARIBUNI TUHABARIKE, TUELIMISHANE, TUPEANE HABARI ZA KUKUFANYA UTABASAMU KIDOGO NA MATUKIO YALIYOFANYIWA UCHUNGUZI WA KINA TOKA KILA PEMBE CONTACTS: +255 787 377 722 Email: drweyunga@gmail.com | TANGAZA NASI ILI UWAFIKIE WATU WENGI ZAIDI.

Jumamosi, 13 Februari 2016

FAHAMU JINSI RADIOTHERAPIA INAVYOWEZA KUOKOA MAISHA YAKO

Dk. Mahadev mshauri mwandamizi wa radiotherapia kutoka Hospitaliza Apollo.
( Pichani kulia )

                      Na Mwandishi wetu

Matibabu ya kawaida ya saratani huwa yanahusisha upasuaji, radiotherapia na kemotherapia. Hivi karibuni kumekuwa na ongezeko kubwa kwenye tiba kwa njia hizo mbili. Katika hatua za mwanzo, saratani huwa ni ugonjwa unaotibika kwa dozi moja mahususi lakini saratani iliyosambaa au kukomaa inahitaji dozi zaidi ya moja katika kuitibu. Radiotherapia, ni tiba iliyopo katika mfumo maalumu unaoleta matokeo katika mwili mzima.

Dk. Mahadev mshauri mwandamizi wa tiba ya uvimbe kwa mionzi kutoka hospitali za Apollo anaeleza kwamba radiotherapia inahusisha chembe chembe ndogo za mionzi ya gamma au X-rays katika kutibu saratani na hata matatizo ambayo sio ya saratani pia. 

Mionzi hii imegawanyika katika ile mionzi ya mbali (external radiotherapy) ambayo chanzo cha mionzi kinakuwa mbali na mwili na ile mionzi ya karibu ambayo mionzi inawekwa karibu ili kuchoma sehemu yenye uvimbe peke yake.

Mionzi ya karibu ni aina nzuri ya kutibu saratani ila kwa uvimbe unaoonekana kirahisi na unaofikika. Hivyo saratani iliyopo mdomoni, saratani ya tezi dume, saratani ya kizazi zote zinaweza kutibiwa kwa mionzi ya karibu peke yake. 

Faida kubwa ya mionzi ya karibu ukilinganisha na mionzi ya mbali ni kwamba mionzi ya karibu inahusisha uponyaji ndani ya muda mfupi (siku 3-5) wakati mionzi ya mbali inachukua hadi wiki 7 hadi 8. Uvimbe wowote uliokomaa unahitaji mionzi ya
mbali.


Lengo kubwa la matumizi ya radiotherapia ni kuchoma sehemu pekee yenye uvimbe na kuepuka kuchoma sehemu nyingine za pembeni katika mwili. Mionzi ya mbali inahistoria ndefu kutoka enzi za cobalt kwenda kwenye hali ya teknolojia ya juu ya kutoa tiba ya mionzi kwa moduli ya hali ya juu (IMRT), mionzi kwa kuongozwa na picha (IGRT), upasuaji kwa njia ya sterio (SRS) na njia ya sterio kwa mionzi mwilini (SBRT). 

Mashine yenye program maalumu kwa ajili ya upasuaji (Cyberknife robotic radiosurgery ) ni njia bora zaidi katika kufanya SRS na SBRT, aliongeza Dk. Mahadev  kuwa teknolojia hizi zinapatikana katika hospitali za Apollo.

Umuhimu pekee wa kutumia mashine yenye program maalumu kwa ajili ya upasuaji ni kukata milimeta sahihi na uponyaji katika siku chache. Ni tiba ya mgonjwa bila kulazwa na hahihitaji nusu kaputi katika kufanyika. 

Hivyo saratani ya mapafu na tezi dume inaweza kutibika ndani ya siku 3 hadi 5, wakati muda wake kawaida huchukua wiki 7-8 kwa uangalizi wa karibu. Mashine yenye program maalumu kwa ajili ya upasuaji ni muhimu katika kutibu uvimbe, ambao hauwezekani kufanyiwa operesheni kwa sababu ya eneo ilipo aidha katika ubongo au uti wa mgongo. 

Inatumika kutibu magonjwa kama meningiomas, uvimbe katika pituitary, mishipa ya ateri iliyodhofika (AVM) na madhara kutokana na saratani katika ubongo, mapafu na ini. anaelezea njia bora ya kutumia radiotherapia ni kwa protoni. 

Faida kubwa ya protoni ukilinganisha na njia ya kawaida ni katika kutoa mionzi kwa umakini zaidi hasa kuchoma sehemu yenye uvimbe peke yake. Hiyo inapelekea matokeo mazuri na madhaifu machache. 

Kutokana na kutokuwa na dozi zaidi katika kutibu uvimbe, ni vyema kudhibiti uvimbe ukiwa katika hatua za mwanzo ambapo huwa tunaogopaga madhara ya kutumia mionzi. Matumizi ya protoni ni mapinduzi katika tiba ya saratani. Saratani ya kichwa na shingo, mapafu na tezi dume huwa zinatibika kirahisi kabisa kwa mionzi hii ya protoni.

Baadhi ya saratani zinazotibika kwa upasuaji, inaweza kutibika kirahisi kwa
radiotherapia tu. Ikiwa hatua ya mwanzo, saratani ya mdomoni, mfumo wa chakula, tezi dume, zaweza tibiwa kwa mionzi peke yake. 


Faida katika kutibu aina hizi za saratani ni kuwa zipo sehemu zinazofikika. Mgonjwa anaweza kuwa na ogani inayofanya kazi vizuri hivyo kuona ubora wa maisha. Saratani nyingi zilizokomaa huwa zinahitaji kwa pamoja upasuaji, radiotherapia na kemotherapia katika kuitibu ambazo zote zinapatikana katika teknolojia ya juu kutoka hospitali za Apollo.

Tumetoka kwenye enzi za kufanya operesheni kubwa na kuingia kwenye utunzaji wa ogani zetu kwa msaada wa teknolojia ya mionzi bora na dawa mpya na bora za tiba kwa kemotherapia. Kwa mfano saratani ya matiti ndio saratani inayoongoza kwa wanawake duniani. Hapo kabla, titi lote lilikuwa linakatwa. Ila kwa sasa wagonjwa wengi wanabaki na matiti yao salama kwa upasuaji mdogo tu unaofanywa.

Tiba hiyo ndogo katika tiba inawasaidia wanawake kuwa na saikolojia chanya
inayowafanya wapone haraka pia. Kichwa na shingo, mfumo wa chakula, saratani ya tezi dume na sehemu nyingine ambazo huwa kutokuondoa ogani ni kitu cha muhimu katika tiba.


Radiotherapia ni mbadaka zuri kuepuka upasuaji au kemotherapia katika kupambana na saratani.
Mabadiliko makubwa katika teknolojia na matumizi ya kompyuta yamewezesha utoaji bora wa huduma ya tiba ya mionzi kwa madhara kidogo sana.

                                                             Kuhusu Hospitali ya Apollo.

Hospitali za Apollo ni za kwanza katika eneo Asia Pacific kutoa huduma za upasuaji kwa kutumia mfumo huu wa Robot, ambayo ni aina ya upasuaji isiyokuwa na madhara. Taasisi ya upasuaji kutumia Robot iliyopo hospitalini hapo wamejitoa kipekee katika kutoa huduma bora kwa wagonjwa.

Taasisi ina wataalamu waliobobea kwenye mafunzo ya upasuaji, upendo katika utoaji wa huduma vifaa vya matibabu vya kisasa vinavyolenga kutoa uzoefu bora kwa mgonjwa. Vifaa hivyo ni pamoja na vifaa Robot ya Da Vinci inayotumika katika upasuaji.

Mfumo huu wa upasuaji hutumika katika teknolojia ya upasuaji wa magonjwa
yanayohusiana na mfumo wa mkojo (Urology), magonjwa ya wanawake (Gynaecology), moyo, utumbo, na magonjwa ya watoto na matatizo ya uti wa mgongo.

LEO NDIO LEO NDANI YA GIRAFFE OCEAN VIEW HOTEL MBEZI BEACH

Baada ya kusubiri kwa muda mrefu, hatimaye ile siku iliyokuwa ikisubiriwa kwa hamu kubwa na wapendanao katika jiji la Dar es Salaam imefika. 

Ndio, ni leo jumamosi tarehe 13 Feb 2016. Barabara zote za jiji zitaelekea Giraffe Ocean View Hotel Mbezi Beach ambako huko kuanzia saa moja kamili usiku wa leo kumeandaliwa  mambo kemkem kwa ajili ya wapendanao. 

Mbali ya burudani kabambe kutoka kwa kundi zima la FM Academia na msanii mahiri nchini Barnaba Classic, pia kutakuwa na red carpet na zawadi kemkem kwa watakaopendeza zaidi. 

Ukitaka kujua mengineyo mazuri kwa ajili ya usiku wa leo, basi fika mwenyewe Girafffe Ocean View Hotel. Hii si ya kukosa.

SACID NA OHCEA ZAWAKUTANISHA WATAALAM WA AFYA KUJADILI MPANGO KAZI WA PAMOJA

Dk. Deo Mtasiwa Naibu Katibu Mkuu wa Afya TAMISEMI akizungumza katika mkutano wa Afya Moja ulioshirikisha wadau mbalimbali wa Afya ya Mifugo, Binadamu na Mimea kutoka katika vyuo mbalimbali hapa nchini.(Picha na Geofrey Adroph wa Pamoja Blog).
Mhadhiri na mtafiti mtoa huduma katika chuo kikuu cha Sokoine, Profesa Robson Mdogera akisoma risala mbele ya mgeni rasmi kuhusu mafanikio pamoja na changamoto wanazozipata kwenye mango wa Afya Moja wanapotaka kufanya kazi kwa pamoja kati ya madaktari wa afya ya mifugo, binadamu pamoja na aafya ya Mazingira.
Dk. Kitua kutoka SACIDS akizungumza jambo wakati wa mkutano wa Wataalamu wa Afya kutoka vyuo mbalimbali hapa nchi ili kujadili nikwa jinsi gani wanaweza kushirikiana katika kufanya kazi bila kuangalia kuegemea upande wowote wa Afya.Profesa Mamuya kutoka MUHAS akiwasilisha mada kwenye mkutano uliowashirikisha wataalamu mbalimbali wa afya ya mifugo, binadamu pamoja na afya ya mazigira uliofanyika Bagamoyo.
Mhadhiri kutoka Chuo Kikuu cha Sokoine kitengo cha Tiba ya Afya ya Jamii Dk. Helena Ngowi akiwasilisha mada mbele wataalamu mbalimbali wa Afya kutoka kwenye vyoa vya hapa nchini waliokuwa wanajidilini kwa jinsi gani wanaweza kushirikiana katika kufanya kazi.

MASHINDANO YA NGUMI YA TAIFA YAMALIZIKA LEO TANGANYIKA PACKERS

Rais wa Shilikisho la ngumi za Ridhaa Nchini BFT Mutta Rwakatare katikati akimkabidhi Kocha wa kimataifa wa mchezo wa masumbwi Rajabu Mhamila 'Super D' mchango uliotolewa na wadau mbalimbali kwa ajili ya lambilambi ya marehemu Mohamed Chibumbuli kilichotokea jana Mkoa wa Mtwara Wilaya ya Masasi kushoto ni katibu Mkuu wa shirikisho hilo Makole Mashaga Picha na SUPER D BOXING NEWS
Katibu Mkuu wa Shirikisho la Ndondi Tanzania (BFT), Makore Mashaga kushoto akipeana mkono na kocha wa kimataifa wa mchezo wa masumbwi nchini Rajabu Mhamila 'Super D' baada ya kumkabidhi fedha za lambilambi zilizotolewa na wadau mbalimbali wakati wa mashindano ya ngumi ya taifa yaliyofanyika katika viwanja vya Tanganyika Packers Kawe
Picha na SUPER D BOXING NEWS

Bondia Selemani Kidunda kushoto akimshambulia Mstafa Mtoro wakati wa mashindano ya taifa yaliyomalizika katika viwanja vya Tanganyika Packers Kawe jijini Dar es salaam Kidunda alishinda kwa K.O ya raundi ya kwanzaPicha na SUPER D BOXING NEWS

Msanii wa filamu, Shamsa Ford kushoto akipambana na MTANGAZAJIWA TIMES FM, KHADIJA SHAIBU "DIDA' wakirushiana makonde wakati wa mashindano ya taifa ambapo wao walionesha umwamba

Msanii wa filamu, Shamsa Ford kushoto na MTANGAZAJI WA TIMES FM, KHADIJA SHAIBU"DIDA' wakinyoshwa mikono juu baada ya mpambano wao wakati wa mashindano ya taifa ambapo wao walionesha umwamba

KATIBU MKUU KIONGOZI BALOZI OMBENI SEFUE AKITOA SIKU 100 ZA KWANZA ZA SERIKALI YA AWAMU YA TANO

Katibu Mkuu Kiongozi, Balozi Ombeni Sefue

BONYEZA HAPO CHINI KUSIKILIZA


Ijumaa, 12 Februari 2016

BALOZI SEIF ALITAKA JESHI LA POLISI KUWASAKA NA KUWAKAMATA WALIOCHOMA MOTO MASHAMBA MATATU YA MIKARAFUU HUKO PEMBA


Baadhi ya Eneo la Ekari Tisa za Mikarafuulililounguzwa Moto na Watu wasiojuilikana hivi karibuni katika Shehia ya Mzambarauni Mkoa wa Kaskazini Pemba.

Makamu wa Pili wa Rais wa Zanzibar Balozi Seif AliIddi kati kati akifanya ziara maalum ya kukagua mashamba Matatu ya Mikarafuu ya Ekari Tisa yaliyotiwa Moto na watu wasiljuilikana hivi
karibuni.

Mwakilishi wa Afisa Mdhamini Wizara ya Kilimo naMaliasili Kisiwani Pemba mbae pia ni Afisa Misitu Bwana Idris Hassan Abdulla wa kwanza kutoka kulia akimpatia maelezo Makamu wa Pili wa Rais wa Zanzibar Balozi Seif juu ya hasara iliyopatikana baada ya kuungua moto miti ya Mikarafuu shehia ya Mzambarauni Mkoa wa Kaskazini Pemba. Kushoto ya Balozi Seif ni Mkuu wa Mkoa wa Kaskazini Pemba Mheshimiwa Omar Khamis Othman.
 

Mzee Khamis Chande Mkaazi wa Mzambaraunianayeshughulikia Mashamba ya Serikali ya Mikarafuu aliiomba Serikali kupitia Balozi Seifisaidie nguvu za uwezeshaji wa mashamba hayo baada ya kutumia nguvu nyingi za Fedha katika kuyahuisha mashamba hao.

Balozi Seif akiliagiza Jeshi la Polisi Mkoa waKaskazini Pemba kufanya uchunguzi wa kina kuwabaini watu waliohusika na uchomaji moto mashamba ya Mikarafuu Shehia ya Mzambarauni Mkoa wa Kaskazini Pemba.

Baadhi ya Mikarafuu iliyoungua moto baada yakuhujumiwa na watu wasiojuilikana huko Shehia ya Mzambarauni Mkoa wa Kaskazini Kisiwani Pemba. Picha na – OMPR – ZNZ.

Makamu wa Pili wa Rais wa Zanzibar Balozi Seif Ali Iddi ameliagiza Jeshi la Polisi Mkoa wa Kaskazini Pemba kuendelea kufanya uchunguzi ili kuwabaini watu waliohusika na tukio la kuchoma moto Mashamba Matatu ya Mikarafuu yenye ukubwa wa Ekari Tisa huko katika Shehia ya Mzambarauni Mtambwe Mkoa wa Kaskazini Pemba.

Alisema wahusika hao wa kuhujumu uchumi wa Taifa wanapaswa kupambana
na mkondo wa dola kutokana na vitendo vyao vinavyorejesha nyuma mbali
ya Maendeleo ya Taifa kwa jumla lakini pia kuviza vipato vya Wananchi
wanaotegemea mashamba hayo.

Balozi Seif Ali Iddi alitoa agizo hilo mara baada ya kuyakagua mashamba hayo yaliyopata kadhia hiyo karibu Wiki moja iliyopita na kusababisha hasara yenye thamani inayokisiwa kufikia shilingi Milioni 24, 525,000/-.

Alisema tabia ya baadhi ya watu kuendelea kufanya vitendo vya hujuma
kwa kufikiria kwamba wanaikomoa Serikali Kuu waelewe kwamba wanakwenda kinyume na maamrisho ya Dini kwa vile vitendo vya vimekuwa vikileta hasara kwa Wananchi wenzao katika maeneo yao.

Alisema Jeshi la Polisi linapaswa kusimaia ipasavyo udhibiti wa vitendo viovu zinavyoonekana kushamiri katika baadhi ya maeneo vikihusihwa zaidi na itikadi za Kisiasa ambazo hazina msingi wala hatma njema kwa jamii na Taifa kwa pamoja.

Alitahadharisha kwamba zao la Karafu bado linaendelea kuwa muhimili wa
Uchumi wa Visiwa vya Zanzibar. Hivyo vitendo vya watu hao vinaashiria
wazi vikilenga kuhujumu mapato ya Taifa.

“ Hii ni hujuma iliyofanywa kwa makusudi na watu wasiyoitakia mema
nchi yetu hasa ikilinganishwa na mazingira halisi ya mashamba yenyewe ”. Alisema Balozi Seif.

Mapema Mwakilishi wa Afisa Mdhamini Wizara ya Kilimo naMaliasili Kisiwani Pemba ambae pia ni Afisa Misitu Bwana Idris Hassan Abdulla alisema hujuma hiyo imeathiri jumla ya Mikarafuu 151ambapo kati ya hiyo Mikarafuu 36 haitofufuka tena kutokana na moto huo.

Bwana Hassan alisema Mikarafuu 115 katika mashamba hayo Matatu ambayo
moja linamilikiwa na Serikali inaweza kuendelea kuzaa karafuu si zaidi
ya miaka Mitatu kulingana na hali halisi ya mazingira ya miti hiyo kwa
vile ina maji maji ya mafuta.

Alisema ukanda wa Kaskazini ya Kisiwa cha Pemba bado una mashamba
mengi ya Serikali yenye mikarafuu ambayo yamekuwa yakihudumiwa na
baadhi ya wananchi ambao tayari wameshawasilisha maoni Serikalini kwa
kutaka kumilikishwa rasmi.

Naye Mmoja wa Wananchi wanaosimamia huduma za mashamba hayo Mzee
Khamis Chande aliiomba Serikali kuangalia uwezekano wa mkusaidia nguvu
katika juhudi za kuyaendeleza mashamba hayo kwa vile tayari ameshatumia fedha nyingi katika kuhusisha miti ya Mikarafuu.

Mzee Khamis alisema kutokana na hujuma hiyo ya moto ndani ya mashamba
hayo kwa sasa anahitaji msaada wa ziada katika kuona juhudi alizochukuwa za kuyaendeleza mashamba hayo zinaendelea kama kawaida licha ya hujuma hiyo.

Alisema tayari ameshatumia zaidi ya shilingi Milioni Moja na Nusu katika kuyafanyia usafi pamoja na kuotesha miti mipya ya Mikarafuu na ameushukuru Uongozi wa Jeshi la Polisi Mkoani humo, Idara ya Misitu pamoja na Uongozi wa Serikali ya Mkoa huo kwa kumpa mashirikiano
makubwa baada ya kutokea kwa hujuma hizo.

Alisema kitendo hicho kimempa faraja kubwa jambo ambalo aliahidi kuendeleza jitihada hizo baada ya kuelewa faida na umuhimu wa
kuimarisha zao la Karafuu ambalo kwa sasa ndio utio wa Mgongo wa Taifa.
Kwa upande wake Mkuu wa Mkoa wa Kaskazini Pemba Mh. Omar Khamis Othman alimueleza Makamau wa Pili wa Rais wa Zanzibar kwamba Serikali ya Mkoa wake itajipanga katika kuona Eneo hilo linaimarishwa na kurejea katika
haiba yake ya asili.

Mh. Omar alisema mipango hiyo italengwa zaidi kwenye siku ya Mazingita
Duniani kwa kuwashirikisha Watendaji wa Taasisi za Maingira, Wanafunzi
, Wananchi pamoja na Wakulima washirikia vyema katika upandaji Miti
mipya ya Mikarafuu katika eneo hilo lililoathirika kwa moto.

Hadi sasa Jeshi la Polisi Mkoa wa Kaskazini Pemba linamshikilia Mtu
Mmoja akituhumiwa kuhusika na vitendo vya utiaji Mtoto mashamba hayo
ya Mikarafuu Shehia ya Mzambarauni Mkoa wa Kaskazini Pemba.

Othman Khamis Ame
Ofisi ya Makamu wa Pili wa Rais wa Zanzibar
12/2/2016.

WAWANIA URAIS WA DEMOCRATIC HILLARY CLINTON NA BERNIE SANDERS WAMECHUANA

Wawania urais wa Democratic Hillary Clinton na Bernie Sanders wamechuana kuhusiana na kumuunga mkono rais Barack Obama katika mdahalo wao wa kwanza tangu kura za maoni za New Hampshire.

Bi. Clinton aliamua kujitanabaisha kama mtetezi wa utawala wa rais Barack Obama, alimshambulia vikali Bw. Sanders kwa kumkosoa rais.

Bi. Clinton alisema aina ya ukosoaji anayosikia kwa Bw. Sanders ilitarajiwa kufanywa na wapinzania wao wa chama cha Republicans.

Majimbo ya Nevada na South Carolina, yenye idadi ndogo ya watu yatafuatia katika kura za maoni.

RAIS WA SUDANI KUSINI SALVA KIIR AMTEUA TENA RIEK MACHAR KUWA MAKAMU WA RAIS

Rais wa Sudani Kusini Salva Kiir amemteuwa tena mpinzani wake aliyekuwa muasi Riek Machar kuwa Makamu wa Rais wa taifa hilo changa la Afrika kwa mujibu wa taarifa iliyotolewa na televisheni ya taifa hilo.

Uteuzi huyo wa Machar uliotangazwa na televisheni ya taifa unachukuliwa kuwa ni sehemu ya makubaliano ya amani yanayolenga kumaliza machafuko yaliyoduma kwa muda wa miaka miwili.

Sudani Kusini imekuwa katika machafuko tangu Desemba 2013, wakati mapigano kuibuka baina ya vikosi vitiifu kwa Kiir na wanajeshi wanaomuunga mkono Riek Machar, ambaye awali alikuwa makamu wa rais.

WAZIRI ANNASTAZIA WAMBURA ATEMBELEA TFF


Naibu Waziri wa Habari, Utamaduni, Sanaa na Michezo, Annastazia Wambura leo ametembela ofisi za Shirikisho la Mpira wa Miguu Tanzania (TFF) na kupata kujionea shughuli mbalimbali zinazondeshwa na shirikiso hilo.

Akiongea na viongozi na wachezaji wa timu ya Taifa ya Wanawake “Twiga Stars” waliopo kambini kujiandaa na mchezo wa kuwania kufuzu kwa Fainali za Mataifa Afrika kwa Wanawake dhidi ya Zimbambwe, Wambura amesema Serikali itashirikiana na TFF kuhakikisha timu inapata ushindi katika mchezo huo wa awali utakaochezwa Machi 4, 2016.

Wambura amewataka wachezaji wa Twiga Stars kuwa na nidhamu ndani na nje ya uwanja, kujituma na kuiipenda kazi yao hiyo ambayo kwa sasa ni ajira itakayoweza kuwasaidia kuendesha maisha yao.

Aidha Wambura amesema anaamini kuwa Twiga Stara bado wana nafasi ya kufanya vizuri katika mchezo unaowakbalili, na kuwaomba kupambana zaidi kuhakikisha inapanda na kushinda nafasi ya kwanza Afrika katika soka la wanawake.

Pia amesema wizara yake inashugulikia maombi ya TFF kuiomba wizara ya TAMISEMI ikasimishe mchezo wa mpira wa miguu katika mashindano ya UMITASHUMITA na UMISSETA yaweze kusimamiwa na TFF kwani wao ndio wenye utaalamu wa mchezo huu.

EAC ELECTION OBSERVATION MISSION TO THE 2016 GENERAL ELECTOINS IN THE REPUBLIC OF UGANDA - LAUNCH STATEMENT BY HIS EXCELLENCY ALI HASSAN MWINYI, RETIRED PRESIDENT OF THE UNITED REPUBLIC OF TANZANIA AND HEAD OF THE EAC ELECTION OBSERVATION MISSION

H.E Ali Hassan Mwinyi, former President of the United Republic of Tanzania and Head of Mission of the EAC Election Observation Mission makes his speech at the launch of the mission, flanked by the EAC Secretary General Amb. Dr Richard Sezibera (R) and Hon. Peter Mathuki, EALA​ MP.
EAC Secretary General Amb. Dr Richard Sezibera addresses the Media during the Media Launch of the EAC Election Observer Mission as former President of the United Republic of Tanzania and Head of the EAC Elections Observation​ Mission, H.E Ali Hassan Mwinyi and Hon. Peter Mathuki, EALA MP look on.
Hon. Peter Mathuki , EALA MP makes his remarks during the Media Launch of the EAC EOM as former President of the United Republic of Tanzania and Head of the EAC Election Observation Mission​, H.E Ali Hassan Mwinyi (Middle) and EAC Secretary General , Amb. Dr Richard Sezibera look on.

LAUNCH STATEMENT BY HIS EXCELLENCY ALI HASSAN MWINYI, RETIRED PRESIDENT OF THE UNITED REPUBLIC OF TANZANIA AND HEAD OF THE EAC ELECTION OBSERVATION MISSION


Your Excellency Dr. Richard SEZIBERA - Secretary General of the East African Community;

Honorable Minister of EAC Affairs of the Republic of Uganda;

Honorable Members of the East African Legislative Assembly;

Experts from the Partner States;

Participants from Civil Society;

Staff from the EAC Secretariat;

Stakeholders from the press;

Ladies and Gentlemen,

Secretary General, let me to join you and your staff in mourning the sudden demise of Ms Isabelle Waffubwa, who had been a visible feature in the promotion of Democratic processes in the region. May her soul rest in eternal peace.

Ladies and Gentlemen

It is my honour and pleasure to announce to the people of the Republic of Uganda about the arrival of the East African Community (EAC) Election Observation Mission (EOM) to 18 February 2016 general elections in the Republic of Uganda. The Mission is in the country following the invitation by the Government of the Republic of Uganda and in fulfillment of the relevant provisions of the Treaty. It comprises 50 short-term observers drawn from the East African Legislative Assembly, national Human Rights Commissions, Electoral Management Bodies, Civil Society, EAC Youth Ambassadors and Officers from EAC Secretariat.

Ladies and gentlemen,

The EAC Election Observation Mission arrived in Kampala on 7 February 2016 and will remain in the country until 21 February 2016. It was preceded by a team of election experts from the EAC Partner States who arrived on 30 January 2016. The Mission will observe the concluding stages of the campaign process and engage with various stakeholders as well as observe the voting and counting processes on 18 February 2016.

In its assessment of the electoral process, I would like to highlight that the EAC Election Observation Mission will be guided by the democratic principles and values outlined in the African Charter for Democracy, Elections and Governance and the EAC Principles for Election Observation and Evaluation. To this end, the assessment of the electoral process in the Republic of Uganda will be carried out in an impartial and objective manner, informed by the principles and guidelines stipulated in the aforementioned standards as well as the legal framework governing the conduct of elections in the country.

Ladies and gentlemen

On this day, we are deploying a total of of seventeen teams of EAC observers in the various regions of Uganda to assess the level of preparedness of the elections as well as the polling process.  The Mission will issue a statement of its preliminary findings of the elections on 20 February 2016 through a press conference. Subsequently, the EAC will release a final and comprehensive report through its policy organs after the end of the electoral process in the Republic of Uganda.

Distinguished Colleagues from the Press

I would like to inform you that there is a Spokesperson for the Head of Election Observer Mission - Dr. Abdullah Makame who is a Personal Assistant to me. He will be responsible with the press related issues, kindly cooperate with him during the entire process.

Ladies and gentlemen

May I take this opportunity to wish the citizens of Uganda success in choosing their future leaders through this important democratic exercise.

Long Live Uganda!

Long Live The East African Community.

Thank you very much for your attention


TAARIFA YA KIKAO CHA MASAA 72


Kikao cha Kamati ya Kusimamia na Kuendesha ligi (Kamati ya Masaa 72) kimekutana Jumatano katikati ya wiki kupitia taarifa na ripoti mbalimbali za michezo ya Ligi Kuu (VPL), na Ligi Daraja la Kwanza (FDL) zinazoendeea kutimua vumbi katika viwanja mbalimbali nchini.

                                                                                          Ligi Kuu ya Vodacom

Mchezaji Kelvin Yondani wa Yanga amefungiwa mechi tatu na kupigwa faini ya sh. 500,000 (laki tano) baada ya kumpiga usoni kwa box la dawa Dk. Mganga Kitambi wa Coastal Union wakati akitoa huduma kwa kipa wake katika mechi namba 121 kati ya timu hizo iliyofanyika Januari 30, 2016 kwenye Uwanja wa Mkwakwani jijini Tanga.

Yondani alitenda kosa hilo baada ya kumuomba maji Daktari huyo, lakini akamnyima. Adhabu huyo imetolewa kwa kuzingatia Kanuni ya 37(3) ya Ligi Kuu Toleo la 2015 ambapo baada ya kutumia adhabu ya mechi hizo, hataruhusiwa kucheza hadi atakapokuwa amelipa faini hiyo.

Naye Dk. Kitambi anapelekwa kwenye Kamati ya Nidhamu kwa kitendo chake cha kumrudishia Yondani kwa kumpiga ngumi. Kitendo cha Daktari huyo ni kinyume cha Kanuni ya 41(2), na pia Kanuni ya 36 kuhusu mchezo wa kiungwana.

Klabu ya Yanga imepigwa faini ya sh. 500,000 (laki tano) kwa mujibu wa Kanuni ya 42(1) kutokana na washabiki wake kuwatupia chupa za maji wachezaji wa Coastal Union walipokuwa wakishangilia bao la pili.

Nayo klabu ya Coastal Union imepigwa faini ya sh. 500,000 (laki tano) kwa washabiki wake kuvamia uwanja baada ya filimbi ya mwisho, kitendo ambacho ni kinyume cha Kanuni ya 14(11) inayohusu taratibu za mchezo.

Mgambo Shooting imepigwa faini ya sh. 500,000 (laki tano) kwa kutumia chumba cha waandishi wa habari badala ya kile cha timu wakati wa mechi kati yao na Simba iliyochezwa Februari 3, 2016 kwenye Uwanja wa Taifa, Dar es Salaam. Adhabu hiyo imetolewa kwa uzingativu wa Kanuni ya 14(13) ya Ligi Kuu kuhusu taratibu za mchezo.

Kocha Ally Jangalu wa Coastal Union ameripotiwa kutoa matamashi ya kuidhalilisha TFF kwenye vyombo vya habari kuwa Refa wa mechi kati yao na Ndanda SC iliyochezwa mjini Tanga alikwenda na maelekezo ya kuhakikisha wapinzani wao wanashinda. Coastal Union ilifungwa bao 1-0 katika mechi hiyo iliyochezwa Februari 4, 2016. Suala lake linapelekwa Kamati ya Nidhamu.

SERIKALI YAWASIMAMISHA KAZI WATENDAJI WAKALA WA VIPIMO TANZANIA

SERIKALI imeamua kuwasimamisha kazi watendaji wawili kutoka Wakala wa Vipimo nchini (WMA) kuanzia leo ili kupisha uchunguzi wa upotevu wa mafuta bandarini kutokana na zuio la kufunga kwa mita kwa zaidi ya miaka mitano.

Waliosimamishwa kazi ni Mtendaji Mkuu wa Wakala wa Vipimo nchini (WMA), Bi. Magdalena Chuwa na Meneja Vipimo Kitengo cha Bandari, Bi. Bernadina Mwijarubi. Bi. Mwijarubi ndiye anashughulikia kitengo cha mafuta bandarini.

Akitangaza uamuzi huo kwenye kikao cha Makatibu Wakuu kilichofanyika leo (Ijumaa, Februari 12, 2016) ofisini kwake Magogoni jijini Dar es Salaam, Waziri Mkuu Kassim Majaliwa amemwagiza Katibu Mkuu wa Wizara ya Viwanda na Biashara, Dk. Adelhelm Meru awaandikie barua za kuwasimamisha kazi ili kupisha uchunguzi huo.

“Katibu Mkuu Viwanda, waandikie barua za kuwasimamisha kazi ili kupisha uchunguzi. Katika kipindi hiki hawatatakiwa kusafiri kwenda popote hadi uchunguzi utakapokamilika. Pia utafute mtu wa kukaimu nafasi hiyo ili kazi ziendelee,” alisema.

Waziri Mkuu pia amesema ofisi yake itawaandikia barua ofisi ya TAKUKURU na polisi ili wafuatilie suala hilo mara moja na ikithibitika kuwa walihusika hatua rasmi zitachukuliwa na itathibitika hawakuhusika basi watarudishwa.

Waziri Mkuu pia aliagiza mfumo wa upimaji mafuta kwa kutumia flow meters uendelee kutumika na ule upimaji wa kukadiria uache kutumiwa mara moja.

Jana (Alhamisi, Februari 11, 2016) Waziri Mkuu alifanya ziara kukagua flow meters za zamani zilizopo Kurasini (Kurasini Oil Jetty) na kisha akatembelea na kukagua flow meters mpya ambazo zinajengwa Kigamboni. Mita hizo zimegharimu dola za marekani milioni 6 (sawa na sh. bilioni 12.96/- za sasa).

Pia Waziri Mkuu alitembelea sehemu ya kuchukulia mafuta yanayotoka bandarini (TPA Manfold) iliyoko Kigamboni na kukagua mitambo ya kusambazia mafuta kwenye matenki ya mafuta ya kampuni ya TIPER yaliyoko Kigamboni yanayomilikiwa kwa ubia baina ya Serikali na kampuni ya Oryx Energies.

Katika ziara hiyo ilibainika kuwa Kampuni ya TIPER imejiunganishia bomba la moja kwa moja kutoka kwenye bomba kubwa la mafuta linalotoka bandarini hali iliyomlazimu Waziri Mkuu kuagiza kwamba bomba hilo litolewe kwenye maungio hayo ndani ya mwezi mmoja.

“Jana niliagiza kuwa bomba hilo ling’olewe. Nimetoa mwezi mmoja ili kurekebisha mfumo huo. Simamieni vizuri na kuhakikisha kuwa na wao pia wanarudi kwenye manfold kama ilivyo kwa wengine,” alisema Waziri Mkuu.

(mwisho)

IMETOLEWA NA:

OFISI YA WAZIRI MKUU,
2 MTAA WA MAGOGONI,
S. L. P. 3021,
11410 DAR ES SALAAM.
IJUMAA, FEBRUARI 12, 2016.

LIGI KUU MZUNGUKO WA 19


Ligi Kuu ya Vodacom Tanzania bara inatarajiwa kuendelea wikiendi hii kwa michezo saba kuchezwa katika viwanja tofauti, huku kila timu ikisaka pointi tatu muhimu ili kujiweka katika nafasi nzuri kwenye msimamo wa ligi hiyo.

Jumamosi, Uwanja wa Kamabarage mjini Shinyanga, Stand United watawakaribisha Simba SC, Mgambo Shooting v African Sports (Mkwakwani), Mbeya City v Toto Africans (Sokoine), Ndanda FC v Majimaji (Nangwanda) na JKT Ruvu v Kagera Sugar uwanja wa Karume jijini Dar es salaam.

Jumapili ligi hiyo itaendelea kwa michezo miwili, Mwadui FC watakua wenyeji wa Tanzania Prisons kwenye uwanja wa Mwadui Complex, huku Coastal Union wakicheza dhidi ya Azam FC uwanja wa Mkwakwani jijini Tanga
.

MABADILIKO YA VIWANJA STARTIMES KUNDI A


Ligi Daraja la Kwanza nchini (FDL) inatarajiwa kumalizika siku ya Jumapili kwa michezo ya minne yak Kundi A kuchezwa katika viwanja tofauti ikianza saa 10 kamili jioni ili kufanya michezo hiyo kumalizika katika muda mmoja.

Mchezo kati ya Friends Rangers dhid ya Kiluvya United uliokuwa uchezwe katika uwanja wa Mabatini Mlandizi sasa utachezwa katika uwanja wa Azam Complex hamazi, huku mchezo kati ya Polisi Dar dhidi ya Polisi Dodoma uliokua uchezwe uwanja Shirika la Elimu kibaha sasa utachezwa uwanja wa Mabatini Mlandizi.

Mechi za mwisho za Kundi A hatua ya kwanza ya Ligi ya Daraja la Kwanza ya StarTimes kati ya Friends Rangers FC vs Kiluvya United FC itachezwa uwanaj wa Azam Complex, Polisi Dar vs Polisi Dodoma (Mabatini), Ashanti United vs African Lyon (Karume) na Mji Mkuu vs Kinondoni Municipal Council FC zitachezwa Februari 14, 2016 katika viwanja husika

Mechi za Kundi B wikiendi hii hatua ya kwanza ya Ligi ya Daraja la Kwanza ya StarTimes ni Kimondo Super SC vs Kurugenzi FC (Vwawa), Njombe Mji vs Lipuli FC (Amani), Ruvu Shooting vs Polisi Morogoro (Mabatini) na Burkina FC vs JKT Mlale (Jamhuri) zitachezwa Februari 13, 2016.

SUPER D ATOA SADAKA WA NIABA YA BONDIA OMARI KIMWERI WA AUSTRALIA


Kocha wa Kimataifa wa mchezo wa masumbwi nchini Rajabu Mhamila 'Super D' kushoto akimkabidhi sadaka kwa niaba ya bondia Omari Kimweri anaefanya shughulizake Deer Park, Victoria, Australia mtoto Mohamed Mussa wa Madrasatul _Noor Hudaa iliyopo kariakoo mtaa wa mafia namba 33 Sadaka hiyo imetolewa na Kimweri kwa ajili ya kuwakumbuka wenzake kwa kuwa yeye kazaliwa nchini Tanzania Picha na SUPER D BOXING NEWS
Kocha wa Kimataifa wa mchezo wa masumbwi nchini Rajabu Mhamila 'Super D' kushoto akimkabidhi sadaka kwa niaba ya bondia Omari Kimweri anaefanya shughulizake Deer Park, Victoria, Australia mtoto Mohamed Mussa wa Madrasatul _Noor Hudaa iliyopo kariakoo mtaa wa mafia namba 33 Sadaka hiyo imetolewa na Kimweri kwa ajili ya kuwakumbuka wenzake kwa kuwa yeye kazaliwa nchini Tanzania Picha na SUPER D BOXING NEWS
  
Kocha wa kimataifa wa mchezo wa masumbwi nchini Rajabu Mhamila 'Super D' kushoto akitoa sadaka kwa niaba ya bondia Omari Kimweri anaefanya shughulizake Australia kwa mtoto Kauthar Seif wa Madrasatul Nool Hudaa iliyopo mtaa wa mafia Dar es Salaam Sadaka hiyo imetolewa na Kimweri kwa ajili ya kuwakumbuka wenzake kwa kuwa yeye kazaliwa nchini Tanzania Picha na SUPER D BOXING NEWS

MAHAKAMA YA KIMATAIFA YA UHALIFU YA (ICC) KUTOA UAMUZI WA RUFAA YA RUTO

Mahakama ya Kimataifa ya Uhalifu ya (ICC) leo itatoa uamuzi wa rufaa iliyofunguliwa na Naibu Rais wa Kenya, William Ruto, rufaa ambayo itatoa msimamo wa kesi inayomkabili katika mahakama hiyo.

Majaji wa rufaa wa mahakama hiyo ya ICC, wataamua kama ushahidi uliorekodiwa siku za nyuma usiwasilishwe katika kesi inayowakabili Ruto na mwandishi wa habari Joshua Sang.

Rekodi zinaonyesha kwanini mwendesha mashtaka Fatou Bensouda, anataka ushahidi huo ubakie mahakamani, na kwanini mawakili wa washtakiwa wanataka ushahidi huo uliorekodiwa kuondolewa.

KIKAO CHA BODI YA BARABARA CHAFANYIKA MKOANI KILIMANJARO.

Mkuu wa mkoa wa Kilimanjaro,Amosi Makala akizungumza wakati wa kikao cha bodi ya barabara kilichoketi katika ukumbi wa ofisi ya RC .
Baadhi ya wajumbe wa kikao hicho ambacho hutangulia kabla ya kikao cha Ushauri cha Mkoa (RCC).
Waziri wa Maliasili na Utalii ,Pro Jumanne Mghembe ambaye pia ni Mbunge wa jimbo la Mwanga akichangia hoja katika kikao hicho.

WABUNGE WA UPINZANI AFRIKA KUSINI WATOLEWA BUNGENI RAIS ZUMA AKIHUTUBIA

Wabunge wa upinzani nchini Afrika Kusini wametolewa nje ya bunge wakati rais Jacob Zuma akilihutubia taifa kupitia bunge kutokana na kumkatiza mara kwa mara asihutubie.

Kiongozi wa wabunge wa chama cha mrengo wa kushoto cha Wapigania Uhuru wa Uchumi, amesema rais Zuma amelifanya taifa kuonekana ni mzaha.

Hotuba hiyo ilionekana kama ni sehemu ya rais Zuma, kupotezea kesi inayomkabili ya kutumia dola milioni 23 za umma kukarabati nyumba yake.

Kambi ya upinzani imekata uamuzi wa rais Zuma, kurejesha fedha hizo zilizotumika kwa ujenzi.

MBUNGE JAPAN AJIUZULU BAADA YA KUCHEPUKA MKEWE AKITARAJIA KUJIFUNGUA

Mbunge mmoja wa Japan ambaye aliibua mjadala mkali bungeni wa likizo ya uzazi kwa wanaume, amejiuzulu ubunge baada ya kukiri alichepuka wakati mkewe akitarajiwa kujifungua.

Mbunge huyo Kensuke Miyazaki ameomba msamaha katika mkutano na waandhishi wa habari, kwa kusababisha kuibuka kwa hasira za umma kuhusiana na kuisaliti ndoa yake.

Bw. Miyazaki aliibua mjadala mwezi uliopita baada ya kuwa mbunge wa kwanza mwanaume Japan kuomba likizo ya uzazi.
               Mbunge Kensuke Miyazaki akiinama ikiwa ni ishara ya kuomba msamaha


WANAWAKE MWANZA WATAKIWA KUTOBWETEKA ILI KUACHANA NA UTEGEMEZI KATIKA JAMII.

Kulia ni Bi.Vileth Muhamusi ambae ni mmoja wa Wajasiriamali Jijini Mwanza akizungumza na Mwandishi wa taarifa hii.

Wanawake Mkoani Mwanza wametakiwa kutobweteka na kukaa majumbani bila kujishughulisha na shughuli za uzalishaji mali, kwa kuwa hatua hiyo inawafanya kuwa tegemezi katika jamii.

Bi.Vileth Muhamusi ambae ni mmoja wa Wajasiriamali maarufu Jijini Mwanza, anaejishughulisha na biashara ya bustani hususani kuotesha miche mbalimbali ikiwemo miche ya mbao, matunda pamoja na kimvuli, aliyasema hayo jana wakati akizungumzia tatizo la ukosefu wa ajira kwa akina mama ambalo hivi sasa limegeuka janga kwa malezi ya watoto kutokana na baadhi yao kuwatumia watoto wao katika shughuli za kuomba omba mitaani ili kupata fedha za kujikimu kimaisha.

Bi.Muhamusi anaepatikana katika bustani zilizopo pembezoni mwa Ziwa Victoria katika barabara ya Makongoro Jijini Mwanza, alibainisha kwamba wanawake wanapaswa kuchukua hatua na kuachana na fikra za utegemezi, ikiwemo kujiunga na vikundi mbalimbali vya maendeleo, akitolea mfano kikundi chake kijulikanacho kama Mazingira Group, na kwamba kupitia
vikundi hivyo wanawake wataweza kupiga hatua za kimaendeleo.

Alianza shughuli zake za kuotesha miche miaka mitano iliyopita, na ameweza kupata kipato cha kumuwezesha kujikimu kimaisha yeye pamoja na familia yake huku kubwa zaidi likiwa ni kumudu kuwasomesha watoto wake kutokana na biashara ya kuuza miche anayootesha, ambapo anabainisha kwamba biashara hiyo inalipa kwani kuna aina mbalimbali za miche ambayo ina soko
kubwa, akitolea mfano miche ya Mitiki ambayo mche mmoja huuzwa hadi shilingi elfu tatu.

Hata hivyo bi.Muhanusi aliwatoa hofu wanawake juu ya suala la mitaji ambalo limekuwa likilalamikiwa na wengi, ambapo ametanabaisha kwamba shughuli nyingi za ujasiriamali ikiwemo ya bustani, hazigharimu mtaji mkubwa ikilinganisha na gharama za mahitaji yao ya kila siku kama vile gharama za saluni huku wakiwa hawana shughuli za kuwaingizia kipato.

Kauli ya Bi.Muhanusi iliungwa mkono na Edwin Soko ambae ni Mwenyekiti wa Chama cha Wajasiriamali Tanzania, aliebainisha kwamba ili wanawake waondokane na utegemezi ni vyema wakajitambua na kufungua fikra zao, kwani baadhi yao wamekuwa wakiwekeza katika matumizi mabaya ya fedha
ikiwemo kutumia hadi shilingi elfu sabini kwa ajili ya urembo huku wakiwa
hawana shughuli za uzalishaji mali, jambo ambalo linawakwamisha wengi wao kupiga hatua za kimaendeleo.
Mmoja wa Vijana wanaootesha mbegu
Miche ya aina mbalimbali
Picha na Hamza Makuza, BMG Mwanza.

WAZIRI WA MALIASILI NA UTALII PROF,JUMANNE MAGHEMBE AKUTANA NA WADAU WA UTALII MKOA WA KILIMANJARO.

Waziri wa Maliasili na Utalii,Prof Jumanne Maghembe akizungumza na Wadau wa Utalii mkoa wa Kilimanjaro alipokutana nao katika ukumbi wa Halmashauri ya Manispaa ya Moshi.
Baadhi ya Wadau wa Utalii wakimsikiliza Waziri wa Maliasili na Utalii (hayupo pichani) alipokutana nao.
Waziri Maghembe akiwaeleza wamiliki wa kampuni zinazofanya shughuli za Utalii katika hifadhi ya Mlima Kilimanjaro ambapo aliwaeleza mambo mbali mbali yanayochangia kushusha pato la taifa .Miongoni mwa mambo aliyozungumza ni pamoja na kampuni za Utalii kutumia njia za Panya kupndisha wageni,Wapagazi kufa Mlima Kilimanjaro kutokana na baridi kali kwa kukosa mavazi maalumu ya baridi,Uchafu Mlima Kilimanjaro,Wageni kupatiwa huduma duni ,na mapunjo ya mishahara kwa wapagazi.
Mhifadhi Mkuu mpya wa Hifadhi ya Taifa ya Mlima Kilimanjaro (KINAPA) Betrita Loibooki akiwa katika kikao hicho ambapo alitamburishwa rasmi akichukua nafasi ya Erastus Lufunguro aliyehamishiwa Makao Makuu, Mhifadhi Loibooki alikuwa Mhifadhi Mkuu wa Hifadhi ya Taifa ya Arusha (ANAPA).

WAKULIMA, WAFUGAJI NA WAVUVI WAJADILI NA KUTOA MAONI YA UCHAMBUZI WA MWONGOZO WA KUANDAA MPANGO NA BAJETI YA SERIKALI YA MWAKA WA FEDHA 2016/17

Bi Flora Mathias Kutoka Mkoa wa Mbeya ambaye pia ni Mkulima mdogo akitoa majumuisho kutoka kipengele cha namna ya kudhibiti Bajeti za Serikali kutoka katika mwongozo wa kuandaa mpango wa bajeti ya Serikali kwa Mwaka 2016/2017 ukurasa wa 14-20, picha ya juu ni wanakundi wakiwa wanajadili swala hilo. Picha ya juu ni baadhi ya mama Shujaa wa chakula ambao wanatoka katika Kampeni ya Grow inayoendeshwa na Oxfam Tanzania pamoja na wadai wengine wa kilimo
Mzee Namagono Hassan Kutoka kikundi namba moja akitoa maelezo kutoka katika mwongozo wa kuandaa mpango wa bajeti ya Serikali kwa Mwaka 2016/2017 kutoka ukurasa wa 6-9 unaoelezea mambo muhimu katika mwongozo wa Bajeti 2016/17