WIZARA YA MAMBO YA NDANI YA NCHI
JESHI LA POLISI TANZANIA.
TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 24.10.2014.
MTOTO MDOGO WA MWAKA MMOJA NA NUSU
AFARIKI DUNIA BAADA YA KUTUMBUKIA KWENYE KISIMA CHA MAJI.
JESHI LA POLISI MKOA WA MBEYA
LINAMSHIKILIA MTU MMOJA MKAZI WA ITEZI AKIWA NA POMBE YA MOSHI
[GONGO].
JESHI LA POLISI MKOA WA MBEYA
LINAMSHIKILIA MTU MMOJA MKAZI WA KASUMULU BODA AKIWA NA POMBE KALI
ZILIZOPIGWA MARUFUKU NCHINI.
KATIKA TUKIO LA KWANZA:
MTOTO MDOGO MWENYE UMRI WA MWAKA
MMOJA NA NUSU [011/2] ALIYETAMBULIKA KWA JINA LA ELISHA JUMA MKAZI WA
SHEWA ALIFARIKI DUNIA BAADA YA KUTUMBUKIA KWENYE KISIMA CHENYE MAJI
MACHAFU.
TUKIO HILO LIMETOKEA MNAMO TAREHE
23.10.2014 MAJIRA YA SAA 07:00 ASUBUHI HUKO SHEWA, KATA YA MWAKIBETE,
TARAFA YA IYUNGA, JIJI NA MKOA WA MBEYA. INADAIWA KUWA, KABLA YA
TUKIO HILO, MAREHEMU ALIKUWA AKICHEZA MAENEO YA JIRANI NA KISIMA
HICHO KILICHOKUWA NA MAJI MACHAFU YA MVUA YALIYOKUWA YAMEHIFADHIWA
KWA AJILI YA SHUGHULI ZA UJENZI.
MWILI WA MAREHEMU UMEHIFADHIWA
KATIKA HOSPITALI YA RUFAA MBEYA KWA AJILI YA UCHUNGUZI WA KITABIBU.
KAIMU KAMANDA WA POLISI MKOA WA
MBEYA KAMISHNA MSAIDIZI WA POLISI BARAKAEL N. MASAKI ANATOA WITO KWA
WAZAZI/WALEZI KUWA MAKINI NA WATOTO WADOGO IKIWA NI PAMOJA NA KUWEKA
UANGALIZI WA KUTOSHA ILI KUEPUKA MADHARA YANAYOWEZA KUEPUKIKA. AIDHA,
ANATOA WITO KWA JAMII KUFUKIA MASHIMO, KUFUNIKA VISIMA NA MATUNDU YA
MAJI MACHAFU KWANI NI HATARI KWA WATOTO WADOGO.
TAARIFA ZA MSAKO:
KATIKA MSAKO WA KWANZA, JESHI LA
POLISI MKOA WA MBEYA LINAMSHIKILIA MTU MMOJA AITWAYE MARIAM MASWALI
(30) MKAZI WA ITEZI JIJINI MBEYA AKIWA NA POMBE HARAMU YA MOSHI
[GONGO] UJAZO WA LITA 20.
MTUHUMIWA ALIKAMATWA MNAMO TAREHE
23.10.2014 MAJIRA YA SAA 13:30 MCHANA HUKO MAENEO YA ITEZI, KATA YA
IGAWILO, TARAFA YA IYUNGA, JIJI NA MKOA WA MBEYA. MTUHUMIWA
ALIKAMATWA AKIWA NA POMBE HIYO NYUMBANI KWAKE. AIDHA, MTUHUMIWA NI
MUUZAJI WA POMBE HIYO. TARATIBU ZA KUMFIKISHA MAHAKAMANI ZINAENDELEA.
KATIKA MSAKO WA PILI, JESHI LA
POLISI MKOA WA MBEYA LINAMSHIKILIA MTU MMOJA MKAZI WA MATENKI –
BODA AITWAYE BARAKA WILLIAM (32) AKIWA NA POMBE KALI [VIROBA]
ZILIZOPIGWA MARUFUKU NCHINI AINA YA BOSS KATONI 06 NA RIDDER KATONI
03.
MTUHUMIWA ALIKAMATWA MNAMO TAREHE
23.10.2014 MAJIRA YA SAA 16:10 JIONI HUKO MAENEO YA KASUMULU –
BODA, KATA YA KASUMULU, TARAFA YA UNYAKYUSA, WILAYA YA KYELA, MKOA WA
MBEYA. MTUHUMIWA ALIKAMATWA AKIWA NA POMBE HIZO ALIZOKUWA AMEZIBEBA
KWENYE PIKIPIKI YENYE NAMBA ZA USAJILI T.638 BRU AINA YA SANLG.
KAIMU KAMANDA WA POLISI MKOA WA
MBEYA KAMISHNA MSAIDIZI WA POLISI BARAKAEL N. MASAKI ANATOA WITO KWA
JAMII KUACHA KUTUMIA POMBE YA MOSHI PAMOJA NA POMBE KALI ZILIZOPIGWA
MARUFUKU NCHINI KWANI NI KINYUME CHA SHERIA NA NI HATARI KWA AFYA YA
MTUMIAJI. AIDHA, ANATOA WITO KWA WANANCHI KUTOA TAARIFA ZA MTU/WATU
AU MTANDAO WA WATU WANAOJIHUSISHA NA UINGIZAJI/USAMBAZAJI NA UUZAJI
WA POMBE KALI NA POMBE YA MOSHI ILI WAKAMATWE NA HATUA ZA KISHERIA
ZICHUKULIWE DHIDI YAO.
Imesainiwa na:
[BARAKAEL N. MASAKI – ACP]
KAIMU KAMANDA WA POLISI MKOA WA
MBEYA.
Hakuna maoni :
Chapisha Maoni