TUME YA TAIFA YA UCHAGUZI (NEC) YAONGEZA SIKU NNE ZA UANDIKISHAJI DAR

Tume ya Taifa ya Uchaguzi (NEC) imesema kuwa itaongeza muda wa siku nne tu wa kuandikisha wapiga kura kwa wakazi wa Dar es Salaam, baada ya muda wa awali wa tarehe 31, kumalizika.

Akiongea na waandishi wa habari leo Jijini Dar es Salaam, Mwenyekiti wa NEC, Jaji Mstaafu Damian Lubuva amesema kuwa hataweza kuongeza muda wa zaidi ya siku nne kwa kuwa ratiba zitaingiliana.

Jaji Mstaafu Lubuva amesema mpaka sasa watu zaidi ya milioni 18 wameandikishwa katika daftari la kudumu la wapiga kura kwa njia ya mfumo wa kielektroniki BVR kwa nchi nzima.